Athletic Club
Datorren denboraldirako
Athleticek Mikel Orbegozo Reala Bko aurrelaria fitxatuko du
A.B.
Erredakzioa
Uztailean iritsiko da Lezamara Zubietako harrobia utzita. Talde txuri-urdineko gazte mailetatik pasatu den golegile onenetarikoa da 22 urteko azpeitiar hau.
Azpeitiako aurrelaria Realaren harrobitik pasa den aurrelari onentsuenetakoa da. Iaz, 24 gol sartu zituen Reala Brekin Hirugarren Mailan. Aurten sei daramatza talde txuri-urdinarekin Bigarren B Mailako II. multzoan. Mikel Orbegozok 22 urte ditu eta 1,82 metroko altuera du. Mikel Orbegozori ekainaren 30ean bukatzen zaio kontratua Realarekin eta libre iritsiko da Athleticera.
Bere anaia den Jon Orbegozok Lemoan (Bigarren B Mailan) jokatzen du, baina Bilbao Athletic fitxatzeko zorian izan zen aurreko denboraldian lan bikaina egin baitzuen Amorebietarekin.
