Athletic Club
San Mamesen
Athletic-Real Madril (0-3): Penaltiek partida erabaki dute
Erredakzioa
Mourinhoren mutilen lehen bi golak penaltiz lortu ditu Kakak eta bizkaitarrek ezin izan dute markagailua irauli. Cristiano Ronaldok jarri du 0-3koa madrildarrentzat.
Real Madrilek 0-3ekoa lortu du San Mamesen, batez ere Kakak sartutako bi penaltiei esker. Bilbokoek ezin izan dute markagailua irauli ez dituztelako aukera argiak sortu eta Cristiano Ronaldok azken 0-3ekoa jarri du markagailuan.
Bilboko taldeak aurrealdean sakatzen hasi du norgehiagoka, baina Mourinhoren taldea sendo egon da defentsan. Zuri-gorriek aukera argi gutxi eduki dituzte lehen zatian eta Real Madrilek 0-1ekoa lortu du 12. minutuan. Iraizozek penalti argia egin dio Di Mariari eta Kakak madrildarren gola lortu du hamaika metroetatik. Athleticen erreakzioa Gurpegiren eskutik heldu da, baina Andosillakoaren jaurtiketa gutxigatik joan da kanpora.
Madrildarrek kontraerasoak bilatu dituzte Higuian eta Di Mariarekin eta zuriek gutxigatik ez dute 0-2koa markagailuan jarri. Atsedenaldia heldu baino lehen Fernando Llorentek izan du aukera paregabea, baina aurrelariaren errematea Casillasek desbideratu du kornerrera.
Bigarren zatian bizkaitarrek joko zuzena bilatu dute Toqueroren eta Llorenteren nagusitasuna nabarmena izan baita, baina madrildarrek lan bikaina egin dute atzeko presioan. 52. minutuan epaileak bigarren penaltia adierazi du zurientzat, Castillok Di Maria bultzatu duelako area barnean. Kakak 0-2koa lortu du eta partida alde jarri zaie Mourinhoren gizonei. Toquerok 1-2koa lortzeko aukera ona izan du, baina gasteiztarraren zartakoa kanpora joan da gutxigatik.
Norgehiagokaren 70. minutuan Cristiano Ronaldok azken 0-3koa lortu du knapokoentzat, Iraizoz jaurtiketa zehatza batekin gainditu baitu portugaldarrak. Hirugarren golarekin partida erabakita utzi du Real Madrilek eta zuri-gorriek ezin dute arriksua sortu erasoan. Azkenean, hiru puntuak sailkapeneko bigarren sailkatuak eraman ditu etxera.
- Fitxa teknikoa:
0 - Athletic Club: Iraizoz; Iraola, San Jose, Ekiza, Castillo; Gurpegui (David Lopez, min.46), Orbaiz, Javi Martinez (Iturraspe, min.61), Muniain; Toquero (Gabilondo, min.78) eta Llorente.
3 - Real Madril: Casillas; Sergio Ramos, Albiol, Garay (Carvalho, min.77), Arbeloa; Pepe, Lass, Granero; Kaka Di Maria (Xabi Alonso, min.66); eta Higuain (Cristiano Ronaldo, min.61).
Golak: 0-1, min.13: Kaka, penaltiz. 0-2, min.53: Kaka, penaltiz. 0-3, min.70: Cristiano Ronaldo.
