Javi Martinez: 'Ziur nago Racingek Athletic izorratu nahiko duela'

Javi Martinez Athletic Clubeko jokalariak uste du larunbatean Racingek daukan guztia emango duela Athletici izorratzeko. Talde zuri-gorriak garaipena lortu nahi du bosgarren edo seigarren postuan bukatzeko denboraldia, honek Europa Leaguerako atariko partida bakarra jokatzea ahalbidetzen baitu bi jokatu beharrean.

"Etxean jokatzen du Racingek eta azken partida denez giro ona egongo da. Gu izorratzen saiatuko dira eta aurkari arriskutsua izango da. Beraientzat derbi bat da eta guretzat partida garrantzitsua. Uste dut ahal duten guztia egingo dutela guri irabazteko", esan du Javi Martinezek.