Athletic Club
Uztailean, hauteskundeak
Macua: 'Kudeaketa da Athleticen arazoa, ez balioak'
Erredakzioa
"Agian beste batzuek botoak emango dituen entrenatzailea beharko dute. Nik puntuak eta emaitzak emango dituena nahi dut", azpimarratu du.
"Balioak, estiloa eta filosofia" ez direla egungo Athleticen "arazoa" adierazi du Fernando Garcia Macuak eta aldi berean "klubaren kudeaketari" garrantzia eman dio.
Josu Urrutiak Athleticeko presidentetzarako hautagaitza aurkeztu zuen aurreko astean eta eskainitako prentsaurrekoan argi utzi zuen Athleticen estiloa eta balioak defendatuko dituela. Horregatik, horren harira mintzatu da Macua, Forum Nueva Economiak antolatutako konferentzian.
Berrautaketara aurkezteko asmoari buruz honakoa esan du: "Erabakia hartuta dago eta mundu guztiak badaki". Aurkeztuko duen kirol proiektua "erabat osatuta" dagoela aurreratu du eta Urrutia gauza bera egitera animatu du.
"Agian beste batzuek botoak emango dituen entrenatzailea beharko dute. Nik puntuak eta emaitzak emango dituena nahi dut”, azpimarratu du.
