Athletic Club
Kopako final laurdenak
Athletic-Bartzelona, goi-mailako kanporaketa San Mamesen
eitb.eus
Zuri-gorriek eta blaugranek topo egingo dute berriro Kopan, finalerdietarako bidean.
-
Iñaki Williams eta Raul Garcia. Argazkia: Efe.
Athleticek Bartzelonaren aurka jokatuko du Errege Kopakop final-laurdenetako kanporaketa, partida bakarrera, San Mamesen.
Bilbotarrak galtzailea atera dira Bartzelonarekin jokatu dituzten azken bederatzi kanporaketetan, eta blaugranak 1959-1960 denboraldian kanporatu zituzten azken aldiz, duela 60 urte.
Orduko final-laurdenetan, Bartzelonak irabazi zuen Nou Campen jokatutako joaneko partida, 3-1 (Kubala 2 eta Tejada/Koldo Aguirre), baina lehoiek kanporaketa irauli zuten astebete geroago San Mamesen, 3 eta 0eko emaitzari esker (Jose Luis Artetxe, Jesus Garay eta Felix Markaida).
Ondorengo bederatzi kanporaketak Bartzelonaren alde izan ziren: 1970-1971, 1989-1990, 2010-2011 eta 2016-2017 denboraldietako final-zortzirenak, 1967-1968, 1982-1983 eta 2015-2016 denboraldietako final-laurdenak, eta 1980-1981 eta 1985-1986 denboraldietako finalerdiak.
Datorren astean San Mamesen jokatuko dena, bien arteko 17. norgehiagoka izango da, bederatzi finalak kontuan izan gabe. Oraingo honetan, baina, kanporaketa partida bakarrera jokatuko da.
Denboraldia Joanekoa Itzulikoa Kanporaketa Sailkatuta
1929-1930 ATH 2-BAR 1 BAR 4-ATH 3 1/2 Athletic
1944-1945 BAR 1-ATH 2 ATH 3-BAR 1 1/8 Athletic
1950-1951 BAR 0-ATH 0 ATH 1-BAR 2 1/2 Bartzelona
1953-1954 BAR 4-ATH 2 ATH 1-BAR 1 1/4 Bartzelona
1954-1955 BAR 0-ATH 2 ATH 2-BAR 2 1/2 Athletic
1957-1958 ATH 2-BAR 0 BAR 4-ATH 3 1/2 Athletic
1959-1960 BAR 3-ATH 1 ATH 3-BAR 0 1/4 Athletic
1967-1968 BAR 3-ATH 1 ATH 0-BAR 0 1/4 Bartzelona
1970-1971 ATH 1-BAR 0 BAR 3-ATH 0 1/8 Bartzelona
1980-1981 BAR 2-ATH 0 ATH 1-BAR 2 1/2 Bartzelona
1982-1983 ATH 1-BAR 0 BAR 3-ATH 0 1/4 Bartzelona
1985-1986 BAR 1-ATH 0 ATH 1-BAR 2 1/2 Bartzelona
1989-1990 ATH 0-BAR 1 BAR 1-ATH 0 1/8 Bartzelona
2010-2011 BAR 0-ATH 0 ATH 1-BAR 0 1/8 Bartzelona
2015-2016 ATH 1-BAR 2 BAR 3-ATH 1 1/4 Bartzelona
2016-2017 ATH 2-BAR 1 BAR 3-ATH 1 1/8 Bartzelona
