Ander Herrera bost edo zazpi aste inguru egon daiteke bajan

Igandeko porrota gutxi ez, Athleticek bere gakoetako bat galdu du. Espanyolen kontrako partidan, zelaia utzi behar izan zuen Herrerak 67. minutuan, eskumako belaunean min hartuta.

Eskuin belauneko barne meniskoaren haustura antzeman zaio Athleticeko jokalariari  eta hilabete inguru egon daiteke jokatu gabe.

Herrerak ezin izango du hurrengo sei partidetan parte hartu. Ligako lau: Betis, Malaga, Vila-real eta Reala eta Europa Leagueko bi: Slovan Bratislava eta Paris Saint-Germain. Beste partida batzuk ere galdu ditzake bere baja epea bostetik zazpi astera bitartekoa izan baitaiteke.

Jokalariak berak, twitterren bidez, jakitera eman du bere lesioaren berri eta jasotako babesarekin eskertuta agertu da.