Athletic: Ander Herrerak senda-agiria jaso du

Athleticeko Ander Herrerak senda-agiria jaso du gaur Lezaman. Medikuen iritziz eskuin belauneko barne meniskoan izandako haustura osatu da.

Horiek horrela, Marcelo Bielsak antolatu dituen partidatxoetan jardun du erdilariak. Oso gustura aritu da gainera, berak esanda.

Igor Gabilondok, bestalde, arazoak izan ditu abduktorean eta entrenamendua utzi behar izan du, baina ezer larririk ez. Derbia irabazteak urak baretu ditu Athleticen. Urak baretu eta jokalarien konfiantza indartu.