Athletic Club
Zortzi neurketa galdu gabe
Athletic, jaitsieratik Europako postuetara
ERREDAKZIOA
Talde zurigorriaren egoera erabat aldatu da bi hilabeteren buruan. Jaitsiera postuetan egotetik Europako lehiara igaro da zortzi neurketa galdu gabe baitago.
-
Athleticen gol ospakizuna. Argazkia: EFE.
'Lehoiek' 16 puntu eskuratu dituzte zortzi neurketeta eta sailkapenean 13 postu egin dute gora. Abenduaren 21ean Rosaledan galdu zutenetik, Athleticek 12 neurketa daramatza galdu gabe. Horietatik lau, Europa Ligan izan dira eta hurrengo faserako txartela lortu du, F multzoko liderra baita.
Bere multzoko aurreneko taldea da Europan, lau neurketetan 10 punturekin (hiru garaipen eta berdinketa bat). BBVA Ligan lau garaipen lortu ditu jarraian eta lau berdinketa.
Lau garaipenetik, garrantzitsuena asteburu honetan erdietsi du. Igandean, Sanchez Pizjuanen Sevilla menderatu du 18 urteren ostean (1-2) eta gainera joko erakustaldiarekin. Garaipena eztabaidaezina izan da eta Sevillako zaleek Marcelo Bielsaren jokalariak txalotu dituzte.
Anoetan, Realari 1-2 irabazi zioten eta jokalariak berpiztu zituen denboraldi hasiera kaskarraren ondoren. Osasuna eta Atletico Madrilen aurka hiru gol sartu zituzten zuri-gorriek eta Valentzia eta Bartzelonaren kontra berdinketak lortu zituen, nahiz eta azkenengo momentura arte partida irabazita eduki.
Vila-real eta Sportingekin banako berdinketa lortu zituen. Neurketa guztietako puntuak batuta Bilboko taldea taulako azken-aurreko postutik Europako postuetara igo da bi hilabete eskasetan eta zaleak Europarekin amets egiten hasi dira.
Ligan 8 neurketa galdu barik:.5. Athletic 1 Villarreal 1
.6. Real Sociedad 1 Athletic 2
.7. Athletic 3 Osasuna 1
.8. Valencia 1 Athletic 1
.9. Athletic 3 Atlético de Madrid 0
10. Sporting 1 Athletic 1
11. Athletic 2 Barcelona 2
13. Sevilla 1 Athletic 2
Ez du Europa Ligako partida bat bera ere ez galdu:
.1. Slovan Bratislava 1 Athletic 2
.2. Athletic 2 París St-Germain 0
.3. Athletic 2 Salzburg 2
.4. Salzburg 0 Athletic 1
