Athletic Club
Igandea 20:00etan
Mallorca-Athletic: Llorente deialditik at eta Herrera jokatzeko moduan
Erredakzioa
Fernando Llorentek eskuin belaunean min hartuta jarraitzen du eta ezin izango du Mallorcaren aurka jokatu. Ander Herrerak, ostera, sendagiria jaso du gastroenteritisa gainditu ostean.
Marcelo Bielsa zalantzan egon da Fernando Llorente deialdian sartu ala ez. Azkenean, etxean uztea erabaki du eta ez du Mallorcaren aurka Iberostar Estadian jokatuko.
Ander Herrera, bestalde, deialdian sartu da. Sendagiria jaso zuen ostiral arratsaldean eta entrenamendua arazo gabe bukatu ostean entrenatzaileak Mallorcara joango diren jokalarien artean sartzea erabaki du.
Llorenterekin batera Gurpegi, Castillo, Ocio eta Igor Martinez Bilbon geldituko dira min hartuta daudelako. Koikili ez da deialdian sartu Marcelo Bielsak erabakita.
Mallorcaren aurka, Llorenteren hutsunea Toquerok beteko du. Iraizoz atean egongo da, Iraola, Javi Martinez, Amorebieta eta Aurtenetxe defentsan eta Susaeta eta Muniain hegaletan eta Herrera eta De Marcos zelai erdian.
