Athletic Club
16. jardunaldia
Athletic-Racing (1-1): 'Lehoiek' ezin izan dute Racing garaitu
Erredakzioa
Alvarok berdinketaren gola lortu du neurketaren azken minutuetan eta Athletic Europako postuetatik aldentzen du.
Athleticek ezin izan du Racing San Mamesen gainditu, Kantabriako taldeak partidako azkenengo minutuan 1-1ekoa jarri baitu. Aurreneko zatia kaskarra izan da joko aldetik, baina bigarren zatian gol aukera argia izan dituzte Bielsaren mutilek. Hala ere, gola ez da 79. minutura arte heldu. Aurtenetxek errematea sare barrura bidali du eta zuri-gorriak 1-0 markagailuan goitik jarri dira. Santaderreko taldeak ezustekoa eman du norgehiagokako azkenengo minutuan, Alvarok 1-1ekoa jarri baitu erremate eder bati esker.
Lehenengo zatian bi taldeek intentsite handiarekin jokatu dute, baina Athletic nagusi izan da berdegunean. Erritmo onarekin jokatu arren, Bielsaren gizonek ezin izan dituzte gol aukera onak sortu. 25. minutuan, Aranak gol marratik atera du Toqueroren saiakera eta 34. minutuan Ander Herreraren jaurtiketa zutoinera joan da. Racingek arriksua sortu du kontraerasoetan, baina atsedenaldian 0-0ekoa jarraitzen du San Mameseko markagailuan.
Bigarrenz zatian Athleticeko jokalariek gehiago sakatu dute erasoan eta Toñok gelditu garrantzitsuak egin behar izan dite Racingentzat. 79. minutuan Aurtenetxek 1-0ekoa jarri du markagailuan bigarren zutoinean erremate erabakigarria eginda. Eskuineko gehaletik Toquerok erdiraketa ona jarri du eta Zornotzako atzelariaren errematea sare barrura joan da.
Bilboko taldeak amrkagailuari eutsi nahi izan dio, baina Santanderreko taldeak ezustekoa eman du norgehiagokako azkenengo minutuan. Estrategiazko jokaldi batean, Alvarok bigarren zutoinean errematatu egin du eta Iraizozek ezin izan du baloia gelditu. Horrela Racingek azken 1-1ekoa jarri du San Mameseko markagailuan.
- Fitxa teknikoa:
1 - Athletic Club: Iraola, Javi Martinez, Amorebieta (Ekiza, 69. minutuan), Aurtenetxe; Iturraspe, Herrera, De Marcos (David Lopez, 64. minutuan); Susaeta (Gabilondo, 61. minutuan), Toquero eta Muniain.
1 - Racing de Santander: Toño; Alvaro, Bernardo, Torrejon, Cisma; Munitis (Stuani, 86. minutuan), Pape Diop, Colsa, Serrano; Arana (Acosta, 59. minutuan) eta Adrian Gonzalez (Luque, 79. minutuan).
Golak: 1-0, 80. minutuan: Aurtenetxe. 1-1, 92. minutuan: Alvaro.
