Athletic Club
Marrazaina gutxiesteagatik
Bi partidako zigorra ezarri diote Raul Garciari
A. B. E. | EITB Media
Ligako 37. jardunaldiko partidan, Real Madrilen aurkakoan, txartel gorria ikusi zuen Athleticeko jokalariak, eta Lehiaketa Batzordeak bi partidako zigorra ezarri dio marrazaina gutxiesteagatik.
-
Raul Garcia, Athleticeko jokalaria. Argazkia: EITB Media
Raul Garcia Athleticeko jokalariari bi partidako zigorra ezarri dio Espainiako Futbol Federazioko Lehiaketa Batzordeak, igandean Santander Ligako 37. jardunaldiko partidan, Real Madrilen aurkakoan, ikusi zuen txartel gorriarengatik.
Mateu Lahoz epaileak neurketako aktan jarri zuzenez, Raul Garcia Athleticeko jokalariak txartel gorria ikusi zuen 88. minutuan, marrazaina gutxiesteagatik. Ondorioz, astearte honetan, Lehiaketa Batzordeak bi partidako zigorra ezarri dio.
Hori dela eta, Raul Garciak ezingo du jokatu denboraldi honetako azken jardunaldiko partida, Elxen aurkakoa, eta datorren denboraldiko Ligako lehen norgehiagoka ere galduko du.
