Getafe-Athletic: Llorente, deialdiko ezusteko handia

Erredakzioa

Azken eguneratzea: 2012/01/08 13:16 (UTC+1)

Aurrelari errioxarra talde madrildarraren aurka itzuli daiteke berdeguneetara, Bielsak deialdian sartu baitu. Zuri-gorriek ez dute Getaferen etxean garaipena ezagutzen.

Llorente. Argazkia: EFE

Whatsapp
Whatsapp
telegram
twitt
Bidali
Esteka kopiatu

Fernando Llorente Marcelo Bielsaren deialdira itzuli da zazpi partida lesionatuta egon eta gero. Errioxarrak Europa League txapelketan Slovanen aurka min hartu zuen belaunean eta hilabete bat berdeguneetatik at egon da. Horrela, pasa den astean alta eman zioten Athleticeko medikuek eta Getaferen aurka itzultzea gerta daiteke.

Bilboko taldeak ez du Alfonso Perez Coliseumean garaipenik ezagutzen, hiru porrot eta lau berdinketa lortu baitituzte zuri-gorriek. Hala ere, Bielsaren taldeak etxetik kanpora San Mamesen baino partida borobilagoak jokatu ditu, itxura sendoagoa emanda.

Athleticen deialdia: Iraizoz, Toquero, Aurtenetxe, Amorebieta, San Jose, David Lopez, Iturraspe, Llorente, De Marcos, Raul, Susaeta, Iraola, Iñigo Perez, Muniain, Ander Herrera, Ekiza, Javi Martinez eta Ibai.

Madrileko taldean Albert Lopo baja izango da eta bere ordez Rafa Lopez izango da defentsan.

Ustezko hamaikakoak:

Getafe: Moya; Torres, 'Cata' Diaz, Rafa, Masilela; Pedro Rios, Casquero, Juan Rodriguez edo Diego Castro, Barrada; Guiza eta Miku.

Athletic Club: Iraizoz; Iraola, Javi Martinez, Amorebieta, Aurtenetxe; Iturraspe; Susaeta, Herrera, De Marcos, Muniain; eta Toquero edo Llorente.