Athletic Club
Ofiziala
Joseba Etxeberriak ez du Bilbao Athleticen jarraituko
EITB Media
Entrenatzaile zuri-gorriak gaur goizean jakinarazi du kluba utziko duela, azken bi denboraldietan bigarren taldea zuzendu ondoren.
-
Joseba Etxeberria
Joseba Etxeberria Bilbao Athleticeko entrenatzaileak gaur goizean jakinarazi dio Klubari ez duela jarraituko filialean, azken bi denboraldietan zuzendu duen taldean, alegia. EITB mediak jakin ahal izan duenez, Iñaki Tejada izan liteke bigarren taldea zuzentzeko aukera gehien dituena.
Lehoi ohiak modu garrantzitsuan lagundu du lehoikumeen kirol lorpenetan, LaLiga SmartBankera igotzeko faseetarako sailkatuz, horietatik CD Badajozengatik eta Burgosengatik kanporatuak izan zirelarik luzapenean eta aipatutako lehenengo taldearengatik, penalti-multzoan. Are garrantzitsuagoa da dagoeneko lehen taldean dauden hainbat futbolari trebatzen lagundu duela.
Athletic Clubek "eskerrak eman nahi dizkio Joseba Etxeberriari; izan ere, futbolari gisa ikono bat da, eta, ondoren, teknikari gisa bere profesionaltasuna eta dedikazioa kolore horien alde eman du. Halaber, zorte osoa opa dio etorkizunean futbolean egingo duen ibilbidean".
