Athletic Club
22:00etan
Athleticek Betisi egingo dio bisita gaur
Erredakzioa
Iñigo Perezek Ander Herrera ordezkatuko du hamaikakoan. Izan ere, Herrerak partida bateko zigorra bete beharko du dagoeneko bost txartel hori pilatu dituelako. Perez nobedade bakarra izango da.
-
Etxetik kanpo bolada onarekin jarraitu nahi du Athleticek. Artxiboko irudia: EFE
Informazio gehiago (1)
Azken sei partidetako ibilbidea alde dute 'lehoiek', izan ere, hiru garaipen eta hiru berdinketa lortu dituzte. Azken berdinketa etxean lortu zuten 3-3 Espanyolen aurkako norgehiagokan.
Europako postua defendatu nahi du Athleticek. Zuri-gorriak sailkapeneko seigarren postuan dira. Kopako finalera sailkatu ostean Betisi bisita egingo dio Bilboko taldeak. Errege Kopa maiatzera arte baztertu beharko dute jokalariek.
Moskura bidaiatu baino lehen Sevillan garaipena lortzea garrantzitsua izan daiteke, taldeari konfiantza eman diezaiokeelako. Athleticek Lokomotiv bisitatu behar du datorren ostegunean, Errusian.
Iñigo Perezek Ander Herrera ordezkatuko du hamaikakoan. Izan ere, Herrerak partida bateko zigorra bete beharko du, dagoeneko bost txartel hori pilatu dituelako. Perez nobedade bakarra izango da hamaikakoan.
Ustezko hamaikakoak:
Betis: Fabricio; Nelson, Paulao, Dorado, Nacho; Iriney, Beñat, Salva Sevilla; Ruben Castro, Jorge Molina edo Santa Cruz; eta Jonathan Pereira.
Athletic: Iraizoz; Iraola, Javi Martinez, Amorebieta, Aurtenetxe; Iturraspe; Susaeta, Herrera, Iñigo Perez, Muniain; eta Llorente.
Epailea: Jose Antonio Teixeira (Kantabriako Batzordea).
Estadioa: Benito Villamarin.
Ordua: 22:00etan
