Athleticek Vila-realen aurka Muniain eta De Marcos gabe jokatuko du

Erredakzioa

Azken eguneratzea: 2012/02/25 18:54 (UTC+1)

Bilboko taldeak Jose Francisco Molinaren taldearen aurka jokatuko du sailkapeneko laugarren postua lortzeko asmoarekin. Muniain eta De Marcos zigortuta daude.

Athletic. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (3)

Marcelo Bielsaren taldeak Molinaren Vila-realen aurka jokatuko du Madrigalen Txapeldunen Ligako postuetan sartzeko helburuarekin. Zuri-gorriek Europa Ligan final-zortzirenetako sailkatzea lortuta helduko dira Vila-realera eta taldeak eta zaleek ilusio handiarekin hartuko dute neurketa. Hala ere, Iker Muniainek eta Oscar De Marcosek ezin izango dute talde horiaren aurka jokatu bosgarren txartel horia ikusi baitzuten Malagaren aurka. Bielsak David Lopez eta Iñigo Perez jarriko ditu haien ordez hasierako hamaikakoan.

Manchester Uniteden aurka bi aste barru jokatuko du Bilboko taldeak, baina Old Trafford estadiora joan aurretik Ligako sailkapenean sendo jarraitzeko asmoa dute zuri-gorriek. Gainera, hurrengo jardunaldian Realaren aurka jokatuko du Athleticek San Mamesen.

Giuseppe Rossik eta Jose Manuel Catalak lesionatuta jarraitzen dute, baina Jose Manuel Molinak Nilmar brasildarra eta Angel hegalaria berreskuratu ditu.

Ustezko hamaikakoak:

Vila-real: Diego Lopez, Angel, Gonzalo, Zapata, Joan Oriol, Bruno, Senna, Borja Valero, Cani edo Camuñas, Ruben eta Martinuccio edo Nilmar.

Athletic Club: Iraizoz; Iraola, Javi Martinez, San Jose, Aurtenetxe; Iturraspe; David Lopez, Herrera, Iñigo Perez, Susaeta; eta
Llorente.