Athletic Club
Harrobiko lana
Athletic aintzatetsi du Futbol Draft-ek
Erredakzioa
Batzorde Teknikoa astelehenean bilduko da Lezamako instalazioetan, talde zuri-gorria harrobiarekin egiten ari den lan bikaina saritzeko.
-
Athleticeko jokalariak Lezaman. Argazkia: EITB
Espainiako selekzioan lau jokalari ditu Athleticek, eta beste lau selekzio olinpikoan. Euskal taldea eta bere futbolariak Lezaman hezitako jokalariengan jarritako konfiantza zentzuzkoa dela demostratzen ari dira. Futbol Draft proiektuak harrobiak saritzen eta sustatzen ditu.
Athleticek Lezaman dituen instalazioek 40 urte bete zituzten iaz. Bertan Julen Guerrero, Iker Muniain eta Josu Urrutia presidente zuri-gorria bera hazi eta hezi ziren. Lezamak bigarren Batzordea hartuko du. Bertan 132 gaztek osatutako zerrenda 77ra murriztu behar dute teknikariek. Urrezko, zilarrezko eta brontzezko hamaikakoak osatuko dituzten jokalariak aterako dira zerrenda horretatik. Aurretik, David De Gea, Bojan, Juan Mata eta Sergio Busquets jokalariek Futbol Draft-en sariak jaso dituzte, besteak beste.
