Athletic Club
2-3, Old Trafforden
Ferguson: 'Athletic gu baino hobeto moldatu da erasoan'
Erredakzioa
Manchester United taldeko teknikariak zuri-gorriek 'oso ondo jokatu' dutela onartu du eta 'erasoan hobeto moldatu' direla argi utzi du prentsaurrekoan.
-
Ferguson. Argazkia: EFE
Alex Fergusonek, Manchester Unitedek Old Trafforden 2-3 galdu eta gero, Athletic "erasoan hobetu moldatu dela" onartu du prentsa aretoan.
"Oso ondo jokatu dute eta gu baino hobeto moldatu dira erasoan" adierazi du Eskoziako entrenatzaileak. 26 urte "deabru gorrien" aulkian daramatza Fergusonek eta Txapeldunen Ligatik at gelditu dira aurten Baselen aurka galduta.
Wayne Rooneyk azkeneko minutuan lortutako golarekin Manchesterren aukerak ez direla bukatu argi dago eta gorriak kanporaketa irabaztera etorriko dira San Mamesera hurrengo ostegunean (martxoaren 15ean).
"Kanporaketa irabazi dezakegu. Gure aukerak izango ditugu, baina gogorrago defendatu behar dugu" azaldu du Alex Fergusonek.
