Athletic Club
Ostegunerako sarrerak
Ehun bat jarraitzailek San Mamesen inguruan kanpatu dute
Erredakzioa
Hala ere, itxaronaldiak saririk ez izatea gerta liteke, izan ere, bazkide ez diren zaleek sarrerak lortzeko aukera gutxi dituztela onartu du Josu Urrutia Athleticeko presidenteak.
Igande arratsaldean aurreneko jarraitzaileek kanpatu zuten San Mamesen inguruan, hau da, leihatilak publikora zabaldu baino hiru egun lehenago.
Hala ere, Athleticek 2.000 bat sarrera bidali dizkiola Manchesterri kontuan hartuta, baliteke sarrerak astearterako agortzea. Ondorioz, ez litzateke sarrerarik geratuko bazkide ez direnentzat.
Zentzu horretan, bazkide ez diren zaleek sarrerak lortzeko aukera gutxi dituztela onartu du Josu Urrutia Athleticeko presidenteak. "San Mamesek ez du guztientzako ematen. Ez da denentzako sarrerarik izango. Jarraitzaile xumeentzako sarrerarik geratzea zail iruditzen zait", azaldu du agintari zuri-gorriak.
