Schalke 04-Athletic partidarako sarrerak gaur jarriko dira salgai

Athletic Clubek martxoaren 29an, ostegunean, Veltins Arena zelaian Schalke 04 eta Athletic Cluben arteko partidarako 25 euroko 948 sarrera jarriko ditu salgai bere bazkide eta Bazkide Barrientzat San Mameseko txarteldegietan. Sarrera bat hartu ahal izango da bazkide txartel bakoitzeko eta gehienez pertsona bakoitzak txartel bi eraman ahal izango du, izakinak agortu arte. Txarteldegiak asteazkenean, martxoaren 21ean,10:30etik 13:30era eta 17:30etik 20:00etara irekiko dira.

Klub zuri-gorriak 45 euroko beste 820 sarrera jaso ditu, baina Veltins Arena zelaian segurtasun tarteak utzi behar direla eta, 25 eurokoak agortu arte ezingo ditu salgai jarri.

Sarrerarik soberan balego, publiko orokorrak erosi ahal izango ditu, ostegunean, hilak 22, 10:30etik 13:30etara eta 17:30etik 20:00etara.