Athletic Club
Athleticen hurrengo aurkaria
Schalke hirugarren postuan kokatu da Bundesligan
Erredakzioa
Huntelaarrek sartu ditu Bayer Leverkusenen aurka lortutako garaipenaren golak (2) eta talde alemaniarra hirugarren posturaino igo da.
-
Schalke, gola ospatzen. Argazkia: EFE
Schalke 04 taldea hirugarren postuan kokatu da Bundesligako sailkapen nagusian Bayer Leverkusen 2-0eko markagailuarekin mendean hartuta. Klaas-Jan Huntelaar holandarra izan da neurketako golegilea, biak egin ditu. Hirugarren postu horrek Txapeldunen Ligarako txartela emango lioke Schalkeri.
Schalke izango da Athleticen hurrengo aurkaria Europa Leaguen. Final-laurdenetako joaneko partida ostegunean, hilaren 29an, jokatuko da Gelsenkirchen 21:05etik aurrera.
Schalkeren taldea honakoa izan da: Hildebrand; Uschida, Matip. Papadopoulos, Fuchs; Jones, Holby (Höger, 85); Farfan (Pukki, 87), Raul, Draxler (Obasi, 76), eta Huntelaar.
