Athletic Club
Nesken taldea
Athleticek kale egin du luzapenean eta Koparik gabe geratu da
Erredakzioa
Mari Paz Vilas aurrelariak Espanyoli garaipena eman dio luzapeneko bigarren zatian (1-2) eta Kataluniako taldeak Erreginaren seigarren Kopa bereganatu du.
Albisteak (1)
Athletic: Ainhoa; J.Flaviano (Arranz, 88. minutua), Orueta, Irene, Iraia, Olabarrieta, Ibarra, Erika, Saioa; Guru (Itxaso, 56. minutua), Irene eta I.Murua (Nekane, 49. minutua).
Espanyol: Mariajo, Andrea Pereira (Serna, 68. minutua), Marta Torrejon, Sonia Matias (Forment, 114. minutua), Mari Paz Vilas, Gimbert, Monforte, Debora Garcia, Meseguer, Nuria Mendoza eta Brenda (Sara Navarro, 81. minutua).
Golak: 0-1: 48. minutua Brenda; 1-1: 62. minutua Itsaso; 1-2: 115. minutua Mari Paz.
Mari Paz Vilas aurrelariak Espanyoli garaipena eman dio luzapeneko bigarren zatian (1-2) eta Kataluniako taldeak Erreginaren seigarren Kopa bereganatu du. Horrela, Levanterekin batera Espanyol lehiaketako talderik sarituena da. Athletic Koparik gabe geratu da azken hasperenean.
Bigarren zatiko hirugarren minutuan Espanyloek aurrea hartu du markagailuan. Debora Garciak eskuin hegaletik egindako erdiraketa Brenda Perezek sareetan kokatu du Ainhoa atezaina gaindituz.
Hala ere, pozak gutxi iraun du Itxasok buruz berdinketa sartu duelako 62. minutuan. Ibarrak esker hegaletik egindako erdiraketa ederki aprobetxatu du Itxasok.
Mari Paz Vilasen burukada batek finala erabaki du luzapeneko bigarren zatian, 115. minutuan.
