Athletic Club
Lesioa
Nico Williamsek lesioa du eskuin hankako aduktore ertainean
EITB MEDIA
Athleticek asteazkenean iragarri duenez, proba osagarriak egingo zaizkio, ostegunean, jokalari iruindarrari, lesioaren irismena zehaztasun handiagoz zehazteko. Asteartean lesionatu zen aurrelaria, Espainia-Zipre partidan.
-
Nico Williams, Mallorca-Athletic partidan. Argazkia: EFE.
Nico Williams Athleticeko hegalekoak lesioa du eskuin hankako aduktore ertainean, Bilboko klubak asteazkenean iragarri duenez.
Ostegunean, proba osagarriak egingo zaizkio jokalari iruindarrari, lesioaren irismena zehaztasun handiagoz zehazteko; hala adierazi du Athleticek.
Lesioa Espainia-Zipre partidan jasan zuen jokalari zuri-gorriak, astearte gauean. Neurketa 2024ko Eurokopako sailkatze fasekoa zen, eta Nico Williams hasierako hamaikakoan irten zen.
