Bigarren B Maila: Eibar eta Alaves, larri igoerari begira

Momentuz Ponferradinak bakarrik lortu du Bigarren Mailarako igoera fasean egotea matematikoki. Gainera lehen sailkatu bezala jokatuko dute play-offa 74 puntu baitituzte. Beraz, lehen kanporaketa irabazten badu Bigarren Mailan egongo da datorren urtean. Bigarren postuan Palencia dago 61 punturekin, baina oraindik ez dute igoera fasean egotea ziurtatu. Eibar hirugarren postuan dago 60 punturekin Osasuna Bren aurka 0-1 galdu baitzuen. Gorritxoek honenbestez mailari eustea lortu dute. Laugarren postua Alavesentzat da 59 punturekin. Arabarrek 2-2 berdindu zuten Montañerosen aurka. Pontevedra dago bosgarren postuan 57 punturekin, Eibarrengandik hiru puntura eta Alavesengandik bi puntura dago.

Lemoak ihardunaldiko gol sorta sartu zuen Arlonagusian Celta B 5-0eko emaitzarekin jipoituz. Seigarren postuan daude arratiarrak 53 punturekin. Postu horrek Errege Kopa jokatzea ahalbidetezn du. Zazpigarren postuan puntu berdinekin Lugo dago. Galiziarrek Barakaldori 4-2 irabazi zioten eta ezkerraldeakoak bederatzigarren postuan daude 48 punturekin.

Sailkapenaren behealdean estu daude hiru euskal talde. Bilbao Athleticek 0-2 irabazi zion Compostelari eta orain 43 puntu dituzte, jaitsierako promozio postuan dagoen Guijuelok baino bi puntu gehiago. Izarrak eta Sestaok zailago dute mailari eustea. Nafarrek 1-2 galdu zuten Pontevedraren aurka eta 36 punturekin daude, Guijuelorengandik 5 puntura. Sestaok 1-1 berdindu zuen Racing Ferrolen aurka eta 38 puntu ditu. Promozio postua hiru puntura dute eta salbazioa, laura.

36. ihardunaldiko emaitzak Lehen Multzoan:

RACING FERROL 1 - 1 SESTAO RIVER
IZARRA 1 - 2 PONTEVEDRA
GUIJUELO 0 - 0 PALENCIA
COMPOSTELA 0 - 2 ATHLETIC B
LUGO 4 - 2 BARAKALDO
LEMONA 5 - 0 CELTA B
ALAVES 2 - 2 MONTAÑEROS
C. LEONESA 1 - 0 PONFERRADINA
ZAMORA 1 - 0 MIRANDES
EIBAR 0 - 1 AT. OSASUNA B