Bigarren B Maila: Hiru euskal derbi 23. jardunaldian

Bigarren B Mailako II. multzoko 23. jardunaldia jokatuko da asteburu honetan eta partida interesgarriak ikusteko aukera izango dugu.

Alaves (44 puntu) liderrak hirugarren sailkatua den Real Union (37 puntu) izango du aurkari larunbatean Mendizorrotzan. Partida hau zuzenean ikusi ahalko da eitb.com-en eta ETB-1 arratsaldeko 16:00etan. Bigarren sailkatua den Eibarrek (42 puntu) arabarrek ez irabaztea espero dute hauei lidergoa kentzeko. Horretarako armaginek jaitsierako promozio postuan dagoen Zamorari irabazi beharko diote.

Osasuna B, bestalde, da play-off postuetaik gertuen dagoen hurrengo euskal takdea. Gorritxoak seigarren postuan daude 36 punturekin, play-off postuetatik puntu bakarrera. Nafarren aurkaria jaitsiera postuan dagoen Guijuelo izango da. Gorritxoengandik puntu bakarrera dago Lemoa zazpigarren postuan 35 punturekin. Larrabazalen taldeak lehen partida jokatuko du Urko Vera taldeko pitxitxia gabe eta Arlonagusian Reala B izango du aurkari. Talde txuri-urdinak Lemoak beste puntu ditu. Bi taldeek 35na puntu dituzte. Beste harrobiko euskal taldeak, Bilbao Athleticek (30 puntu), hiru puntuak eskuratu nahi ditu Gimnastica Torrelavegaren aurka Lezaman jokatuko duten partidan.

Sailkapenaren behealdetik tentsio handiko derbia izango dugu ikusgai. Peña Sport eta Barakaldo ariko dira aurrez aurre. Bi taldeak jaitsiera postuetan daude. Nafarrak 18. postuan daude 21 punturekin eta puntu bakarrera dute jaitsierako promozio postua (Zamora) eta bi puntura salbazioa (La Muela). Barakaldo, bestalde, azken sailkatua da 18 puntu besterik ez dituelarik.

23. jardunaldiko partidak II. multzoan:

29/01 16:00 Deportivo Alaves - Real Union Club
29/01 17:00 SD Lemona - Real Sociedad -B-
30/01 12:00 CD La Muela - UD Logroñes
30/01 12:00 Athletic Club -B- - RS Gimnastica
30/01 12:00 Real Sporting -B- - CD Mirandes
30/01 17:00 SD Eibar - Zamora CF
30/01 17:00 CD Leonesa - Caudal Deportivo
30/01 17:00 CD Guijuelo - CA Osasuna -B-
30/01 17:00 Peña Sport FC - Barakaldo CF
30/01 18:30 Real Oviedo - CF Palencia