Primera RFEF
II. multzoa
Bigarren B Maila: Hiru euskal derbi 32. jardunaldian
A.B.
Erredakzioa
Bilbao Athletic-Alaves, Barakaldo-Osasuna B eta Peña Sport-Lemoa derbiak izango ditugu ikusgai asteburu honetan.
Asteburu honetan Bigarren B Mailako II. multzoko 32. jardunaldia burutuko da eta hiru euskal derbi izango ditugu ikusgai.
Eibarrek lidergoari eutsi nahi dio eta horretarako jaitsiera postuak ekidin nahi dituen La Muelaren aurka garaipena lortu beharko du. Armaginekin batera, 59 punturekin Mirandes dago. Bigarren sailkatuak dira eta hauek ere eibartarren antzeko partida izango dute Zamoraren aurka jokatzen baitute eta azken hauek salbazioa dute helburu.
Alaves dago hirugarren postua 58 punturekin eta arabarrek Lezaman jokatuko dute Bilbao Athleticen (40 puntu) aurka. Partida hau zuzenean ikusi ahalko da eitb.com-en eta ETB-1en.Play-off postuetan dagoen beste euskal taldea Real Union (52 puntu) da. Aurkari zuzena dute irundarrek Logroñesen aurka jokatuko baitute eta errioxarrek 49 puntu baitituzte.
Aurkari zuzenen arteko lehia horretaz aprobetxatu nahi da Osasuna B (50 puntu) play-off postuetan sartzeko. Euskal derbia jokatuko dute nafarrek Barakaldoren (22 puntu) aurka. Bizkaitarrek azken aukera izan dezakete mailari eusteko aukera txikiren bat izaten jarraitzeko.
Reala Bren eta Lemoaren helburua play-off postuetara hurbiltzea izango da. Gipuzkoarrek 46 puntu dituzte eta Gimnastica Torrelavega izango dute aurkari. Lemoak, bestalde, euskal derbia jokatuko du Peña Sporten aurka Tafallan. Arratiarrek 45 puntu dituzte eta Peña Sportek 26 puntu. Nafarren helburua garaipena lortzea da salbazio postuetara hurbiltzeko. Lemoak nekearen eragina igarri dezake ostegun honetan Federazio Kopako finaleko joaneko partida jokatu baitzuen.
32. jardunaldiko partiden datak eta ordutegiak II. multzoan:
02/04 16:00 Athletic Club -B- - Deportivo Alaves
03/04 12:00 Real Sporting -B- - CD Leonesa
03/04 12:00 CD La Muela - SD Eibar
03/04 17:00 UD Logroñes - Real Union Club
03/04 17:00 RS Gimnastica - Real Sociedad -B-
03/04 17:00 Barakaldo CF - CA Osasuna -B-
03/04 17:00 CF Palencia - Caudal Deportivo
03/04 17:00 Peña Sport FC - SD Lemona
03/04 18:00 CD Mirandes - Zamora CF
03/04 19:00 Real Oviedo - CD Guijuelo
