Eibarrek eta Alavesek garaipen garrantzitsuak lortu dituzte

Mirandes da multzoko liderra 59 punturekin eta Ponferradina dago bigarren postuan 55 punturekin. Hirugarren postuan Eibar dago 50 punturekin. Armaginek play-off postuetan sartzeko aurkari zuzena zen Guijuelori 2-1 irabazi zioten. Play-off postuak ixten dituena Amorebieta da. Jardunaldi honetan 0-0 berdindu zuen Amorebietak Real Unionen aurka Stadium Galen.

Laugarren postutik hiru puntura dago Alaves. Mendizorrotzan 2-1 irabazi zuten Gimnastica Segovianaren aurka eta orain 47 punturekin daude. Sailkapenaren erdialdean Sestao eta Osasuna B daude 40na punturekin. Elkarren aurka jokatu zuten asteburuan eta gorritxoek lortu zuten garaipena 3-1eko emaitzarekin. Bilbao Athleticek hiru puntu gutxiago ditu (37) Gimnastica Torrelavegaren aurka 1-1 berdindu ostean.

Hamahirugarren postutik behera hasten dira arazoak. Real Union dago postu horretan 33 punturekin eta jaitsiera postuak sei puntura ditu. Albiste pozgarriena Reala Bk eman zigun jaitsiera ekiditeko lehian aurkari zuizena duen Palenciari 3-0 irabazita. Reala B jaitsiera eta jaitsierako promozio postuetatik atera da Palenciari gol-averagea irabazi diolako. Bi taldeak 29na punturekin daude eta Palencia da jaitsierako promozio postuan dagoren taldea.

Albiste txarrak ematen ohitu gaituena Lemoa da. Arlonagusiako taldeak 2-0 galdu zuen Ponferradinaren aurka eta 15 punturekin azken postuan daude jaitsierako promozio postutik eta salbaziotik 14 puntura.

Bigarren B Mailako II. multzoko 27. jardunaldiko partiden emaitzak:

Real Unión Club 0 - 0 SD Amorebieta
Real Sociedad de Fútbol B 3 - 0 CF Palencia
Club Atlético Osasuna B 3 - 1 Sestao River Club
Arandina CF 0 - 2 Zamora CF
Deportivo Alavés 2 - 1 Gimnástica Segoviana CF
RS Gimnástica 1 - 1 Athletic Club B
CD Mirandés 1 - 0 UD Logroñés
SD Ponferradina 2 - 0 SD Lemona
UD Salamanca 1 - 1 Burgos CF
SD Eibar 2 - 1 CD Guijuelo