Primera RFEF
1-1
Amorebietak play-off postuetan mantentzen duen puntua lortu du Lezaman
Erredakzioa
Bana berdindu dute Bilbao Athleticen aurka. Odeik bere atean sartu du 1-0ekoa eta Alañak berdindu du partida 45. minutuan.
Bideoak (1)
Amorebietak puntu bat eskuratu du larunbat honetan Bilbao Athleticen aurka Lezaman jokatu duen partida 1-1 berdindu ondoren. Zornotzako taldeak 60 puntu ditu orain eta igoera play-offa jokatzeko eskubidea ematen duen laugarren postuari eutsi dio.
Partida berdindua izan da eta bi taldeek garaipena lortzeko beste gol aukera sortu dituzte 90. minutuetan zehar. Norgehiagokako bi golak, ordea, lehen zatian izan dira. Odeik bere atean sartu du 1-0ekoa 39. minutuan Jonas Ramalhoren erremate bat desbideratuta. Amorebietaren erantzuna jarraian etorri da. Alañak 1-1ekoa sartu du 45 minutuan.
