Primera RFEF
Beharrezko kopurua, lortuta
Oviedo ez da desagertuko
Erredakzioa
Asturiaseko taldeak espero ez zituen diru-sarrerak jaso ditu. Salbazioa lortzeko beharrezkoak ziren 1.905.000 eurotatik, 1.143.000 eurora jaitsi da kopurua, eta helburua lortuta dago.
-
20.000 pertsona izan ziren Carlos Tartieren Oviedok jokatu zuen Bigarren B Mailako azken partidan. Argazkia: EFE
1.905.000 euro behar zituen Oviedok desagerpena eragozteko, baina kontu-ikuskaritzak aurkitutako diru-sarreren ondorioz, 1.143.000 eurora murriztu zen salbazioa lortzeko kopurua. Diru kantitate hori, lortuta dago jada.
Auditoriak egindako azterketaren ondorioz, 30.300 euroko balantze negatiboa izatetik, 350.500 euroko balantze positiboa izatera pasa zen klub asturiarra, aurkitu ziren diru-sarrerengatik. Valentziak Juan Mata Chelseari saltzeagatik Oviedok dirua jaso behar izan zuen, eta balantzean kotabilizatu. Kantitate hori Gizarte Segurantzak enbargatuta du, baina balantzean kontabilizatu beharrekoa zen. Bigarren diru-sarrera, Asturiaseko Gobernuarekin sinatutako publizitate kontratu baten ondorioz kontabilizatu beharrekoa da.
Oviedok lortu du ez desagertzeko beharrezkoa zuen kantitatea, baina Fidalgo presidenteak esan duenez, kaudimena lortzeko beharrezkoa da, gutxienez 2,5 milioi euroko kopurura iristea.
