Frantziak aurrera egin du, Nigeria kanporatuta (2-0)

Frantziako selekzioa Munduko Futbol txapelketako final-laurdenetarako sailkatu da Nigeria mendean hartuta (2-0). Hurrengo kanporaketan Alemania-Aljeria partidako irabazlearen aurka arituko da.

Paul Pogbak estreinatu du markagailua buruz, 79. minutuan, Vincent Enyeama atezainaren akatsa baliatuta.

Frantziarren bigarrena Nigeriako Joseph Yobok sartu du bere atean, neurketako luzapenean. Gola Realeko Antoine Griezmannen errematea aldaratzen saiatu denean egin du.

Fitxa teknikoa:

2. Frantzia: Lloris; Debuchy, Varane, Koscielny, Evra, Cabaye, Matuidi, Pogba, Valbuena (Sissoko, 92'), Giroud (Griezmann, 62') eta Benzema.

0. Nigeria: Enyeama, Ambrose, Yobo, Omeruo, Oshaniwa, Onazi (Reuben Gabriel, 59'), Mikel, Musa, Moses (Nwofor, 87'), Odemwingie eta Emenike.

Golak:

1-0, 79': Pogba.

2-0, 90': Joseoh Yobo (bere atean).