Itxi

Munduko futbol txapelketapelketa

QATAR 2022

Herbehereak eta Senegal, A multzoko sailkatuak

B. L. G. | EITB MEDIA

Senegalek garaipena behar zuen eta Ekuadorren aurka 2 eta 1 irabazita lortu du sailkapena, hegoamerikarrak kanporatuz. Qatarrek, anfitrioiak, bigarren jardunaldian galdu zituen aurrera egiteko aukera guztiak.

  • Herbeherak sailkatu da taldeko lehenengo postuan

    Herbeherak sailkatu da taldeko lehenengo postuan. Argazkia: EFE

Herbehereek eta Senegalek 2022ko Qatarko Munduko Txapelketako kanporaketetarako txartela lortu dute. Europarrek lehenengo postuan egin dute, 7 punturekin eta afrikarrek, berriz, bigarren postuan, 6 puntutrekin.

Bi sailkatuek garaipenarekin itxi dute multzoen fasea: Oranjek 2 eta 0 irabazi dio Qatar anfitrioiari (ez du puntu bakar bat ere lortu). Senegalek, bere aldetik, garaipena behar zuen eta irabazten hasi ondoren arriskuaz jabetu da Ekuadorrek 68. minutuan sartutako golarekin (berdinketak hegoamerikarrak sailkatzen zituen). Baina ikarak bi minutu iraun ditu, 70.ean Koulibalyk 1-2koa jarri baitu.

Herbehereek jada kanporatuta zegoen Qatarren aurka jokatu dute eta baita ahalegin handirik egin gabe irabazi ere. Holandarrek aurrea hartu duteCody Gakporen golarekin, bolada ezin hobean jarraitzen baitu (3 gol daramatza txapelketan, 1 partidako), Davy Klaasenen paseari esker 26. minutuan.

Atezain qatartarrak Depayren jaurtiketa gelditu du bigarren zatia hasi bezain laster. Jaurtiketaren aldaratzea, baina, area txikian erori da eta anfitrioien defentsak ezin izan du eragotzi De Jongek, behartua izan arren, bigarren gola egitea 49. minutuan.

Fitxa teknikoa:

2 - Herbehereak: Andries Noppert; Jurrien Timber, Virgil van Dijk, Nathan Ake, Denzel Dumfries; Marten de Roon (Teun Koopmeiners, 82. min), Frankie de Jong (Kenneth Taylor, 86. min), Deley Blind; Davy Klaassen (Steven Berghuis, 66. min), Cody Gakpo (Wout Weghorst, 83. min) eta Memphis Depay (Vincent Janssen, 66. min).

0 - Qatar: Meshaal Aissa Barsham; Ismail Mohammad (Musab Al Khader, 85. min), Pedro Miguel, Boualem Khoukhi, Abdelkarim Hassan, Homan Ahmed; Abdelaziz Hatem (Ahmed Alaaeldin, 85. min), Assim Madibo (Karim Boudiaf, 64. min), Hasan Al Heidos (Ali Assadalla Thaimn Qamb, 64. min); Akram Afif eta Almoez Ali Zainalabedeen Abdulla (Mohammed Muntari, 64. min).

Golak: 1-0, 26. min: Cody Gakpo; 2-0, 49.min: Frankie De Jong.

Epailea: Bakary Gassama (GAM). Txartel horia erakutsi dio Herbehereetako Nathan Akeri.

Senegalek ekuadortarren ametsa zapuztu zuen

Senegalgo jokalariak sailkapena ospatzen. Argazkia: EFE

Senegalgo jokalariak sailkapena ospatzen. Argazkia: EFE

Herbehereak vs Qatar partidan jokoan ia ezer ez bazegoen ere, Khalifa International Stadiumean dena zegoen erabakitzeke. Ekuadorrek nahikoa zuen gutxienez puntu bat lortzearekin erronda gainditzeko garaipenak bakarrik balio ziona Senegalgo selekzio baten aurka.

Senegal atsedenaldiaren atarian aurreratu da Sarrek 11 metroetatik egindako golari esker. Afrikarrek gertuago ikusi dute munduko txapelketa bateko kanporaketetara sailkatzeko ametsa, 20 urte geroago. Baina Ekuadorrek ez du hain erraz amore eman eta 68. minutuan Moises Caicedok berdindu du norgehiagoka. Senegalek, bere amets mundialistari helduta, ez die ekuadortarrei aukerarik eman final-zortzirenetara pasatzeko aukera aintzat hartzeko ere, 2 minutu geroago Koulibaly kapitainak 1-2koa jarri baitu.

Fitxa teknikoa

1 - Ekuador: Galindez; Preciado (Porozo, 85. min), Torres, Hincapié, Estupiñán; Franco (Sarmiento, 46. min), Gruezo (Cifuentes, 46. min), Caicedo; Plata, Estrada (Reasco, 64. min), Valentzia.

2- Senegal: Mendy; Sabaly, Koulibaly, Jakobs, Diallo; Ciss (N. Mendy, 74. min), P. Gueye; Ndiaye (Dieng, 74. min), I. Gueye, Sarr; Boulaye Dia (Cissé, 95. min).

Golak: 0-1, 44. min: Sarr (p); 1-1, 68. min: Caicedo; 1-2, 70. min: Koulibaly.

Epailea: Clément Turpin (FRA), txartel horia atera dio Gana Gueye senegaldarrari.