Osasuna
Osasuna-Granada, jaitsiera postuetatik urruntzea helburu
Erredakzioa
Larunbat honetan jokatuko da partida, 20:00etan Sadarren. Gorritxoak eta andaluziarrak aurkari zuzeneak dira salbazioa lortzeko lehian.
Osasunak partida garrantzitsua jokatuko du larunbat honetan Sadarren. Arratsaldeko 20:00etan Granada izango dute aurkari gorritxoek. Talde andaluziarra jaitsiera postuetan dago, baina puntu bakarreko aldea ateratzen dio Osasunak.
Espanyolek Deportivoren aurka lortutako garaipenak (2-0) presioa sartzen die bi taldeei. Talde katalana jaitsiera postuetatik at dago (jardunaldi bat gehiago jokatuta) momentuz 15 punturekin, eta ziurtatuta dago Deportivok azken sailkatu moduan amaituko du 2012. urtea. 12 puntu ditu talde galiziarrak.
Granadak eta Osasunak hiruna partida irabazi dituzte orain arte jokatutako 16 jardunaldietan. Hiru garaipen horietatik bi, etxean lortu ditu talde gorritxoak. Talde andaluziarrak, ordea, hiru garaipenetatik bi etxetik kanpora jokatutako partidetan lortu ditu. Anquelak zuzentzen duen taldeak ez du etxetik kanpora partidarik berdindu.
