Mendilibar: 'Gure beharra handiagoa da'

Osasunak Getafe hartuko du larunbat honetan, Nafarroako Erresuman (20:00), eta Jose Luis Mendilibar gorritxoen teknikariak dena emango dutela adierazi du, Taxoareko kazetarien aurrrean.

"Gure beharra handiago da, Lehen Mailan jokatzea Europan egitea baino gehiago da, eta hori partidan gailendu beharko da. Dena emango dugu", esan du.

Hala ere, partida "luzea eta gogorra" izango dela azpimarratu du. "Guztion artean garaipena lortuko dugu. 90 minutuko iraupena dauka, eta ez dugu aurreneko hamabostetan lortu behar. Irabazteko gai gara, eta haqla sinetsi behar dugu”, gaineratu du.

Ustezko hamaikakoak:

Osasuna: Andres Fernandez; Marc Bertran, Arribas, Miguel Flaño, Oier; Raoul Loe edo Puñal, Silva; Cejudo edo Nino, Armenteros, De las Cuevas; eta Kike Sola.

Getafe: Moya; Valera, Fede, Lopo, Mane; Borja, Lacen; Pedro Leon, Abdel Barrada, Gavilan; Lafita.

Epailea: Alvarez Izquierdo

Futbol-zelaia: Nafarroako Erresuma.