Osasuna
Asteartean, Zaragozaren aurka
Osasunak hiru partida jokatuko ditu aste honetan
Erredakzioa
Asteartean Zaragozaren aurka jokatuko du Tuteran, asteazkenean Peña Sport izango du aurkari Tafallan, eta larunbatean Valladoliden aurka neurtuko ditu indarrak Burgosen.
-
Zaragozak eta Osasunak azken denboraldian jokatutako partidako irudia. Argazkia: EFE
Osasuna denboraldi-aurreko azken txanpan murgildu da, eta aste honetan hiru partida jokatuko ditu. Gorritxoek abuztuaren 18an jokatuko dute BBVA Ligako 2013-2014. denboraldiko lehen partida Granadaren aurka.
Asteartean Zaragozaren aurka jokatuko du Tuteran. Asteazkenan Peña Sport izango du aurkari Tafallan, eta larunbatean Valladoliden aurka neurtuko ditu indarrak Burgosen. Jose Luis Mendilibarrek bi multzotan banatuko ditu jokalariak lehen bi partida hauetarako, partidak jokatu arren entrenamenduak egiten jarraituko baitu goizero Osasunak Taxoaren.
Emiliano Armenterosek normaltasunez egin du lan saioa, eta Lolok entrenamenduaren lehen zatian parte hartu du. 'Gato' Silva eta Joan Oriol min hartuta daude, eta ez dira entrenatu.
