Osasuna
Gaur, 21:00etan
Osasunak garaipena behar du Valladoliden, zulotik ateratzeko
Erredakzioa
Javi Graciak Loties eta De las Cuevas erabili ahal izango ditu, Almeriako partidan zigorra bete ondoren. Hala ere, Oriol Riera aurrelariak ezin izango du jokatu, zigortuta dagoelako.
-
Flaño eta Cejudo, Almeriaren aurkako partidan. Efe.
Osasunak Valladoliden jokatuko du gaur, 21:00etan, garaipena bai ala bai lortzeko beharra duela. Nafarrek emaitza onak lortu dituzte azken urteetan Valladoliden: ia 12 urte daramatzate bertan porrotik jaso gabe, historia osoan zortzi aldiz gailendu badira ere.
Gorritxoek Almeriaren aurka, etxean, galdutako hiru puntuak lehenbailehen berreskuratu nahi dituzte sailkapeneko zulotik ateratzeko.
Javi Gracia entrenatzaileak ez du hamaikakoa iragarri. Hala ere, Loties eta De las Cuevas jokatzeko moduan izango dira, Almeriaren aurka zigortuta egon ondoren. Oriol Riera aurrelariak, aldiz, ezin izango du partida jokatu, txartelak pilatu dituelako eta zigortuta dagoelako.
Ustezko hamaikakoak:
Valladolid: Mariño, Alcatraz o Rukavina, Marc Valiente, Rueda, Peña, Álvaro Rubio, Sastre, Ebert, Larsson, Bergdich edo Rama eta Javi Guerra.
Osasuna: Andrés Fernández, Marc Bertrán, Loties, Arribas edo Damiá, Lolo y Puñal, Armenteros, Torres eta De las Cuevas edo Manuel.
Epailea: Fernández Borbalán (Andaluz)
Futbol zelaia: José Zorrilla
Ordua: 21:00etan
