Osasuna
Errege Kopa
Ancelotti: "Mundu guztiak daki Iruñean jokatzea oso zaila dela"
Erredakzioa
Real Madrilek 2-0 irabazi zuen joaneko partidan, baina ez dira fidatzen, Sadarren jokatzea ez delako erraza.
-
Carlo Ancelotti, Real Madrileko entrenatzailea. Argazkia: EFE
Osasunak Sadarreko zaleen laguntza eta ia mirari bat beharko du, Real Madrilen aurkako 2-0ekoa iraultzeko. Gorritxoek porrota jaso zuten Santiago Bernabeun, eta onena eman beharko dute berdegunean final-laurdenetarako txartela lortzeko.
Carlo Ancelotti Real Madrileko teknikariaren hitzetan, "mundu guztiak daki Iruñean jokatzea oso zaila dela". Halere, bere taldea motibatuta eta erabat kontzentratuta dagoela esan du.
"Ligan arazoak izan genituen Sadarren. Partida bizia izango da, erritmo handikoa, eta aurkariak kanporaketa iraultzeko ahal duen guztia egingo du", gehitu zuen Ancelottik prentsaurrekoan.
