Osasuna
Valladoliden aurkakoa
Flaño: 'Erabakigarria izan daiteke'
Erredakzioa
Garaipen batek salbaziora hurbilduko luke talde nafarra, eta aurrerapauso ikusgarria izango litzateke.
-
Miguel Flaño (ezkerra). Argazkia: EFE
Osasunak Valladolid hartuko du ostiral honetan Sadarren, eta Miguel Flaño atzelari gorritxoak partidari buruz hitz egin du gaur Taxoareko hedabideen aurrean. Kostata, baina azkenean partidaren garrantzia aitortu du.
"Neurketa erabakigarria izan daiteke. Egia da norgehiagoka garrantzitsua dela. Jokoan dugunaren ondorioz, tentsio handiko partida izango da, eta tentsio hori kontrolatzea gakoetako bat izango da", esan du.
"Zaleak ezinbestekoak dira; ezin diegu askoz gehiago eskatu”, gaineratu du. Garaipen batek salbaziora hurbilduko luke talde nafarra, eta aurrerapauso ikusgarria izango litzateke.
