Atletico Madril-Osasuna: Vicente Calderonera bueltan

Jose Antonio Camachok iragan sasoian taldearen gidaritza hartu zuenetik Osasunak sei partida besterik ez ditu irabazi etxetik at (Vicente Calderonen eta Nou Campen iragan sasoian, eta Jose Zorrillan, La Romaredan, Chapinen eta El Madrigalen sasoi honetan), eta datorren astelehenean, Osasunarekin etxetik at lehendabiziko garaipena lortu zelaira itzuliko da Ciezako entrenatzailea.

Iragan sasoiko hogeitabederatzigarren jardunaldian iritsi zen Osasuna Vicente Calderonera, eta sasoi osoan etxetik at partidarik irabazi ez bazuten ere jardunaldiko ustekabea emateko prest iritsi zen Camachoren taldea2009ko apirilaren 5ean Atletico Madrilen zelaian zuten hitzordura. 2-4 nagusitu zen Camachoren taldea. Pandianik (2), Vadoczek eta Masoudek egin zituzten gorritxoen golak, eta dirudienez hirurak hasieratik ariko dira datorren astelehenean Vicente Calderonen. Garaipena lortu nahi dute nafarrek, eta lortuz gero Osasunarekin bi aldiz zelai berean irabazi duela esan ahal izango du lehendabiziko aldiz Camachok.