Puñal (Osasuna): "Igandean irabazi beharra daukagu"

Nou Campen itxura ona eman arren partida galdu ostean Osasuna lanera itzuli da gaur Taxoarera, eta Bartzelonaren futbol zelaian joko maila ona erakutsi zutela egia izan arren, jokalari gorritxoek badakite aste honetako partidarik garrantzitsuena igandean jokatu behar dutela Nafarroako Erresuman Juanma Lilloren Almeriaren aurka.

"Taldea garaipen bat lortzeko irrikitan dago eta estutasunak saihestu ahal izateko igandean irabazi beharra daukagu, asko izango baitugu jokoan Almeriaren aurkako partidan. Oraindik ez dugu ahaztu iragan denboraldi batzutan gertatu zitzaiguna, eta final bat bezala hartuko dugu igandeko norgehiagoka", ziurtatu du gaur, adibidez, gorritxoen kapitain Patxi Puñalek.