Mallorca-Osasuna: Pandiani, deialditik at

Taldeko golegilerik onena gabe agertuko da Osasuna bihar Mallorcan jokatu beharreko norgehiagokan. Sasoia hasiz gerotik hamar gol egin dituen jokalariak, Walter Pandianik, koadrizepsean tendinitisa du eta asteko azken lan saioko partidatxoa itxuraz inolako arazorik gabe jokatu badu ere, camachok ez du arriskurik hartu nahi eta mallorcarako deialitik at geratu da aurrelari uruguaitarra. Pandiani Athleticen aurka datorren astelehenean jokatu beharreko partidarako prest izatea nahiago du Camachok.

Bestalde, gorritxoek ez dakite oraindik Mallorcara nola bidaiatuko duten. Islandiako Eyjafjallajokull sumendiak jaurtitako errautsek aire eremuan eragin eragozpenen ondorioz gorritxoek ez dakite espero bezala bihar goizean Mallorcara bidaiatzeko modurik izango duten ala ez, eta klubak ez du baztertu gaur bertan egitea Balear Uharteetarako bidaia. Iruñeko zein Palmako aireportuak itxita daude une honetan.

Ustezko hamaikakoa: Ricardo; Azpilikueta, Flaño, Josetxo, Monreal; Puñal, Ruper, Juanfran, Vadocz , Camuñas; Aranda