Espanyol-Osasuna: Etxetik kanpo garaipena nahi dute

Erredakzioa

Azken eguneratzea: 2010/09/25 17:16 (UTC+2)

Sergiok, Nekounamek eta Masoudek ezin izango dute jokatu Cornellako futbol zelaian, baina talde nafarra hiru puntuak lortzen saiatuko da.

Whatsapp
Whatsapp
telegram
twitt
Bidali
Esteka kopiatu

Gorritxoek hiru puntuak nahi dituzte eta horretarako Pochettinoren Espanyol gainditu beharko dute. Jose Antonio Camachoren mutilek sailkapenean beste aurrerapauso bat emateko aukera paregabea dute, baina talde katalanak arriskutsua izaten jarraitzen du bere etxean. Realaren aurkako partidan lortutako garaipenak animoak eman dizkie nafarrei eta horregaitik garaipenaren bila irtengo dira Bartzelonan.

Iruñeko taldeak urtarrilaren 31tik ez du lortu garaipenik etxetik kanpo. Sergiok, Masoudek eta Nekounamek ezin izango dute jokatu, lesioak direla eta. Gainera, etxean gelditu dira Kike Sola eta Oier, deialdian sartu ez direlako.

Pochettinok taldea egokitu egin beharko du, David Garcia, Sergio Garcia, De la Peña, Datolo eta Ivan Alonso lesionaturik daudelako, eta Forlinek eta Galanek ezingo dute jokatu Real Madrilen aurka txartel gorriak ikusi zituztelako.

Ustezko hamaikakoak:

Espanyol: Kameni; Chica, Amat, Victor Ruiz, Didac; Duscher, Javi Marquez; Verdu, Luis García, Callejon eta Osvaldo.

Osasuna: Ricardo; Damia, Lolo, Miguel Flaño, Monreal; Juanfran, Puñal edo Ruier, Soriano, Camuñas; Pandiani eta Aranda.