Osasuna
21:00etan
Osasunak ezustekoa eman nahi du Real Madrilen aurka
Erredazioa
Talde gorritxoak Santiago Bernabeun jokatuko du gaur. Oier, David Garcia eta Adrian ez daude Jagoba Arrasatek eskainitako deialdian.
-
Osasunako jokalariak Taxoaren egindako entrenamendu baten. Argazkia: EFE
Osasunak Real Madril izango du aurkari Santiago Bernabeun gaueko 21:00etan, Ligako seigarren jardunaldiari dagokion partidan. Gorritxoek ezustekoa eman nahi dute.
Jagoba Arrasate entrenatzailearen deialdian ez daude Oier, David Garcia eta Adrian jokalariak, baina talde gorritxoko teknikariaren ustez, "taldean jende asko dago jokatzeko gogoekin". Gainera, ez dira jokatzeko prest egongo min hartuta dauden Darko Brasanac, Unai Garcia, Iñigo Perez eta Kike Barja.
Real Madril, Sevillari irabaztetik dator, eta bigarren da Ligako sailkapenean Athletic liderrarekin berdinduta. Zinedine Zidane entrenatzailea ezker hegaleko defentsa gabe geratu da, Marcelo eta Mendy min hartuta baitaude. Ondorioz, Nachok jokatuko du defentsako ezker hegalean. Zidanek aldaketak egingo ditu hamaikakoan. Militaok jokatuko du erdiko defentsa postuan Sergio Ramosekin batera, eta, Fede Valverde, Lucas Vazquez edo Vinicius, eta Jovic sar daitezke hasierako hamaikakoan.
Ustezko hamaikakoak:
Real Madril: Courtois; Carvajal, Militao, Sergio Ramos, Nacho; Valverde, Kroos, Lucas Vazquez edo Vinicius, Bale; Jovic eta Benzema.
Osasuna: Ruben; Nacho Vidal, Aridane, Roncaglia, Estupiñan; Moncayola, Fran Merida; Roberto Torres, Ruben Garcia, Brandon edo Rober Ibañez; eta Chimy Avila.
Epailea: Mateu Lahoz.
Zelaia: Santiago Bernabeu.
Ordua: 21:00etan.
