Marc Bertran: 'Hiru puntuek konfiantza handia emango digute'

Taxoareko entrenamenduaren ostean Marc Bertranek hitz egin du prentsaurrekoan. Katalanaren ustez, hurrengo norgehiagokako aurkariak "zuzenak izango dira" eta hori dela eta nafarrek "ahalik eta puntu gehien" lortu behar dituzte.

Jokalari gorritxoak "hiru puntuek taldeari konfiantza handia" emango diotela uste du. Beraz, Granadaren aurkako partida garrantzi handikoa izango da Mendilibarren mutilentzat. "Talde indartsua da eta Vila-real etxean gainditu zuen, badakigu Lehenengo Mailan ezin dugula erlaxatuta egon" adierazi du Bertranek. "Norgehiagoka gogorra izango da, oso lehiatua", bukatu du jokalari katalanak.