Annunziata: 'Taldea ondo dago eta goraka doa'

Xavier Annunziata Osasunako jokalariak Errege Kopan Almeriaren kontra gola lortu eta gero adierazi duenez, "golak ez du garrantzirik, garrantzitsuena garaipena lortzea izan zen". Gainera, taldea ondo dagoela eta goraka doala adierazi du.

Erdilariaren lehenengo denboraldia da Osasunan, iaz Osasuna Bko golegile nagusia izan eta gero (14 gol). Hala ere, Ligan 15 minutu bakarrik jokatu ditu eta orain arte izan duen aukera bakarra Errege Kopan izan da.

"Ondo jotzeko zortea eduki nuen. Batzuetan harmailara joaten da eta beste batzuetan, niri gertatu zitzaidan moduan, atera". "Pozik nago golarekin", adierazi du Osasunako jokalariak. Azkenik, taldean dagoen lehia azpimarratu du eta entrenamenduetan denek ehuneko ehuna ematen dutela adierazi du.