Osasuna
BBVA Liga
Bertran: 'Etxean aukerak ditugu eta borrokatu egingo gara'
Erredakzioa
Osasunako jokalaria horrela mintzatu da Iruñeko taldeak asteburuan Bartzelonaren kontra jokatuko duen partidaren inguruan.
-
Marc Bertrán eta David Villa. Argazkia: EFE
Marc Bertrán Osasunako jokalariak astelehen honetan adierazi duenez, baliteke Bartzelona, larunbat honetan Nafarroako Erresuman jokatuko duen taldea, "munduko talderik onena izatea", baina Iruñeko taldeak gogo eta ilusio handiak ditu garaipena lortzeko.
"Partida berezia da beti. Hemen, Nafarroako Erresuman, inork ezin du borroka egin gabe punturik lortu eta horrela aterako gara Bartzelonaren kontra", adierazi du Osasunako jokalariak prentsaurrekoan.
Bestalde, Kataluniako eskuin hegalekoak aitortu duenez, "zaila" da Pep Guardiolaren taldea mendean hartzea, baina etxean "aukerak" dituzte eta "gogo handiz" borrokatuko dira.
