Mendilibar: 'Inozoarena egin dugu'

Erredakzioa

Azken eguneratzea: 2012/04/08 16:05 (UTC+2)

"Aste barruan ez ditugu gauzak ondo egin eta nabaritu da. Batzutan jarrera falta dagoela ematen du eta beste batzuetan adimen gabezia", azaldu du Osasunako entrenatzaileak.

Jose Luis Mendilibar Osasunako entrenatzailea. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (1)

Osasuna barregarri utzi du Rayo Vallecanok Madrilen

"Porrot hau azaltzeko modurik ez dago. Talde bat adorerik, kemenik eta beharrizanik gabe berdeguneratzen denean hau gertatzen da. Vallecasen galtzea gerta liteke, baina inozoarena egitea eta zelaian galduta egotea ez", esan du Jose Luis Mendilibar Osasunako entrenatzaileak.

Rayo Vallecanok 6-0 jipoitu eta gero, garaipena lortzeko Madrilgo taldeak "errezitaldia" eman duela onartu du Mendilibarrek. Osasunak "jarrera falta" azaldu duela eta "gogorik gabe" berdeguneratu dela aurpegiratu du entrenatzaile bizkaitarrak.

"Aste barruan ez ditugu gauzak ondo egin eta nabaritu da. Batzutan jarrera falta dagoela ematen du eta beste batzuetan adimen gabezia. Horrela, aurkaria pixkanaka-pixkanaka irabazten dizu eta azkenean Rayoren errezitaldia izan da, jarrerarik gabeko talde baten aurrean", azaldu du.