'Hasiberri' bat bezala sentitzen dela aitortu du Sisik

Erredakzioa

Azken eguneratzea: 2012/06/26 18:03 (UTC+2)

"Ilusio handia dut eta oso pozik nago. Denboraldi honetan gauza onak gertatu ostean etapa berrian arreta osoa jarriko dut", adierazi du Osasunako fitxaketak.

Sisinio Gonzalez 'Sisi' hegalekoa. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (1)

Osasunak Sisiren fitxaketa baieztatu du

Sisinio Gonalez 'Sisi' hegalekoak Valladolid Lehen Mailara igotzeko lagundu eta gero, Osasunan jokatuko du datorren denboraldian. "Hasiberri" bat bezala sentitzen dela onartu du gaur Sisik erronka berriaren aurrean, nahiz eta Lehen Mailan eskarmentua izan.

"Ilusio handia dut eta oso pozik nago. Denboraldi honetan gauza onak gertatu ostean etapa berrian arreta osoa jarriko dut", adierazi du. "Esperientzia berria" hasteko gogo handia duela erantsi du. Esperientzia "oso positiboa" izatea espero du.

Osasuna "beti atsegin izan" zaiola aitortu du Sisik. Gainera, Jose Luis Mendilibar entrenatzailearekin berriz elkartuko dela esan du. Valladoliden bizkaitarraren zuzendaritzapean jokatu zuen.

Bestalde, duela astebete sorbaldan ebakuntza egin ostean "nahiko ondo" dagoela adierazi du Sisik. Denboraldian zehar besaburua lau aldiz lekutik atera zaio.