Osasuna
Ofiziala
Osasunak Jose Arnaiz fitxatu du
Agentziak | EITB Media
Taldeak ez du ezer ordaindu behar izan jokalariak Leganesekin zuen kontratua bukatu duelako. 10 milioi euroko etete klausula izango du.
-
Osasunak Jose Arnaizen fitxaketa iragarzteko erabilitako irudia. Iturria: @Osasuna.
Osasunak Jose Arnaizen fitxaketa ofizial egin du datozen bi denboraldietarako. Jokalaria Leganes taldetik dator eta Jagoba Arrasatek zuzentzen duen taldearen erasoa sendotzera dator, duela hiru urte talde gorritxotik atera ostean.
Nafarrek ez dute jokalariarengatik ezer ordaindu behar izan, Leganesekin kontratua amaituta. Arnaizek bi urterako kontratua sinatuko du, eta beste urtebetez luzatzeko aukera izango du, emaitzen arabera.
Jokalariak 10 milioi euroko etete klausula izango du, Osasunak aditzera emandakoaren arabera.
Arnaizek bigarren aldia izango du Osasunan, 2019-20 denboraldiko bigarren itzulia talde nafarran jokatu ostean. 28 urteko jokalariak orduan utzitako "oroitzapen ona" azpimarratu du klubak, "jokalari bezala eta pertsona bezala erakutsitako kalitateagatik".
