Futbola
13/14 denboraldian
Premier Belatz Begia erabiltzen hasiko da
Erredakzioa
Aurtengo denboraldia bukatzen denean, kamera sistema instalatuko dutela jakinarazi du Premierrek, eta 2013/2014 denboraldiaren hasierarako, abuztuaren 17rako hain zuzen ere, "prest" egongo dela.
-
Manchester City-Manchester United Premierreko partida. Argazkia: EFE
Hurrengo denboraldian "Belatz Begia" erabiltzen hasiko da Ingalaterrako Premier Leaguek, erakundeak jakinarazi duenez.
Aurtengo denboraldia bukatzen denean, kamera sistema instalatuko dutela adierazi du Premierrek, eta 2013/2014 denboraldiaren hasierarako, abuztuaren 17rako hain zuzen ere, "prest" egongo dela. Horrela, zalantzazkoak diren gol horiek erabakitzen dituen sistema martxan jarriko du Ingalaterrak.
Hegoafrikako Munduko Futbol Txapelketan final-zortzirenetan kanporatu zuen Alemaniak Ingalaterra. Lampardek gola sartu zuen (2-2koarena), baina ez zen markagailuan azaldu. Ingalaterra beti azaldu da Belatz Begia erabiltzearen alde.
