Futbola
22. jardunaldia
Puntu bat Gironaren aurka (1-1)
Erredakzioa
Denboraldiko zazpigarren berdinketa lortu du Gasteizko taldeak, Gironaren aurka bana eginda.
Bideoak (1)
Alavesek puntu bat eskuratu du Adelante Ligako 22. jardunaldiko partidan, Gironaren aurka, Mendizorrotzan bana berdindu eta gero.
Berdintasuna izan da nagusi aurreneko zatian. Gasteizko taldea erasoan saiatu da, baina ez du azkenengo pasean asmatu.
42. minutuan markagailuan aurreratu da Alaves (1-0). Jokaldi ona egin du Unaik Medinak eskuin hegaletik, eta bere erdiraketa ate barruan sartu du Migue Gironako jokalariak, arriskua aldaratu nahian.
52. ean neurketa berdindu du Matamalak, korner batean, erosotasun osoz errematatuz (1-1). Zaleak urduri jarrita hasiak ziren, eta haserrea agertu dute babazorrien entrenatzaileak hartutako erabakiekin. Azkenean, berdinketa eta lanean jarraitu behar.
