Futbola
Bartzelona
Bartzelonako presidente Sandro Rosellek dimisioa eman du
Erredakzioa
Kluba Josep Maria Bartomeu presidenteordearen eskuetan utzi du, Neymar auziaren gorabeherek Bartzelonari kalte ez egiteko.
-
Sandro Rosell. Argazkia: EFE.
Sandro Rosellek Bartzelonako presidente kargua uztea erabaki du. Rosellek arratsaldean eman du ofizialki dimisioaren berri, Audientzia Nazionaleko epaile Pablo Ruzek 'Neymar auzian' kereila onartu ostean.
Bartzelonako presidentea taldeko kide esanguratsuekin bildu da ostegun goizean, aukera guztiak aintzat hartzeko. Ondoren, Zuzendaritza Batzordearen premiazko bilera deitu du, kideei erabakiaren berri emateko. Presidentearen asmoa 'Neymar auzian' inputatuta izanez gero, auziak taldeari eragingo liokeen kaltea saihestea da.
